स्पेनको राजधानी मेड्रिड
गएको हप्ता स्पेनको राजधानी मेड्रिड शहरमा झोले पर्यटक (नेपालमा अहिले चलेको परिभाषा अनुसार एयरबीएनबीमार्फत् होम स्टेमा बस्ने, सार्वजनिक यातायातको प्रयोग गर्ने र स्थानीय खाने) को रुपमा पुगेको थिएँ। लन्डन र पेरिसपछिको युरोपियन युनियनको ठूलो शहर मेड्रिड कला संस्कृतिको केन्द्र पनि रहेछ। विशेष गरी यहाँका कतिपय घर, दरवार र चर्चहरु सोह्रौं शताब्दीमा निर्माण भएका। तर अहिले भने यो शहर प्रख्यात फुटबल क्लब रियल मेड्रिडको नामले चिनिन्छ। कुनै बेला ट्राफिक जामको लागि कुख्यात यहाँका शहरका केन्द्रका भागहरुमा केही वर्ष अघि कारको बाटो भत्काएर पैदल र साइकल यात्रीको लागि लेन बनाइएको र रुखहरु रोपिएको रहेछ। त्यसैले होला पैदल यात्री हिड्ने बाटो कारको बाटोभन्दा पनि फराकिलो देखिने । कतिपय ठाउँमा कार निषेध। यहाँको केन्द्रको व्यस्त छ लेनको सडक ग्लानभिया (मुख्य सडक) मा पनि अबको पाँच वर्ष भित्र कारलाई निषेध गर्ने योजना सार्वजनिक भएको रहेछ। यहाँको कतिपय गल्ली काठमाडौंका झोछे, ठमेल, लगनटोलमा हिँडे जस्तै लाग्ने रहेछ। हेर्नुस् ३५ फोटो
https://www.mysansar.com/2017/01/26255/
Uttam Babu Shrestha 